IV Festival Reina Loba

O Festival Reina Loba terá lugar os próximos días 9, 10 e 11 de Agosto (xoves, venres e sábado) e nel son diferenciables catro claros eixos:

• Música: Mais de 20 bandas danse cabida nos dous escenarios do festival. Apostamos por bandas emerxentes, onde teñen cabida estilos de fusión, reggae, mestizaxe, canción de autor, jazz... ademais de respectar un lugar á música tradicional galega. Polos escenarios do Festival Reina Loba xa pasaron artistas como Club del Rio, Swingdigentes, Alpargata, Pedro Pastor, Chotokoeu ou Habelas Hainas.

• Obradoiros e exhibicións: A oferta extramusical é igualmente relevante e variada. Apostamos por obradoiros, totalmente abertos, levados a cabo por diversos profesionais cos que contamos en cada edición, con temáticas variadas, centradas nas artes, a ecoloxía e o respecto. Desde a primeira edición leváronse a cabo obradoiros sobre permacultura, autoedición, enerxías renovables, cosmétcia natural, pintura colaborativa, pintura mural, arquitectura téxtil ou baile tradicional. Cada edición acolle, tamén, actividades enfocadas aos/ as máis peques.

• Ecoloxía e respecto: Traballar xerando un evento respectuoso é unha parte fundamental do mesmo. O festival constrúese empregando materiais reciclados e toda a infraestrutura está deseñada e construída pola organización. Fabricamos nosas propias letrinas secas e levamos a cabo unha ampla campaña de xestión e separación de residuos. Os vasos son reutilizables e alquilables, evitando o consumo de plásticos dun só uso. Ademais, existe o grupo de traballo "respecto", que vela polo correcto funcionamento do encontro, con sinalizacións, campañas de difusión, estratexias de respecto... Neste grupo tamén remarcamos a separación de zonas de acampada, en cámping Trono (para os/ as mais fiesteros/ as) e cámping Brisa (para familias e xente mais relaxada). Ademais, pretendemos un transporte mais ecolóxico, polo que promovemos o vehiculo compartido.

Os principais obxectivos que queremos conseguir son:

1. Xerar un encontro alternativo no rural galego.
2. Promover e difundir as artes en todas as súas vertentes.
3. Propoñer unha axenda musical variada e de calidade, con representación do folk galego.
4. Poñer de relevo o rural e as comunidades que o habitan.
5. Desenvolver actividades e obradoiros amplos, de calidade e para todos os públicos.
6. Traballar desde o respecto e o coidado á contorna e a comundiad.
7. Defender e promover valores como o respecto, o coidado, a aposta pola cultura ou a igualdade de xénero.
8. Coidar a presenza feminina tanto na sección musical como nos talleres e exhibicións.

A cuarta edición do Festival Reina Loba proxéctase como o afianzamento do encontro. Tras tres edicións ás costas, cada novo ano exponse desde a aprendizaxe dos anteriores, corrixindo erros e evolucionando en positivo. Seguimos vendo necesario e enriquecedor un festival de verán enfocado desde os valores do respecto, a pluralidade, a promoción das artes e a cultura que siga ocorrendo no rural galego.
Xerar proxectos por e desde o rural axudan a situar este contexto no mapa, moitas veces marxinado, especialmente desde o ámbito da cultura.
Outro ano mais, o Festival Reina Loba vai dirixido a todo tipo de público, desde mozos de todas as idades, á xente do propio pobo, anciáns, familias con nenos/ as... traballando nun evento interxeracional e plural, enfocado desde a convivencia e o respecto.

O Festival Reina Loba é un proxecto do colectivo artístico, constituído como asociación sen ánimo de lucro e como cooperativa, Espacio Matrioska. Actualmente integrado por oito colegas (Marta, Alberto, Laura, Cuco, Lucas, Ana, Jesús e Bruno) graduados/ as en Belas Artes e de diferentes puntos do territorio español (Valladolid, Madrid, Badajoz e Burgos) que formaron o proxecto fai xa case catro anos.
Espacio Matrioska desenvolve proxectos de todo tipo, centrados na produción e a xestión cultural. Ademais, de maneira paralela, cada integrante desenvolve o seu propio traballo artístico persoal.
Ao ser un equipo multidisciplinar, os nosos saberes forman un conglomerado de coñecementos que abarca desde a pintura, a ilustración, a serigrafía, a música, o traballo mural, a escultura, as prácticas audiovisuais...