Canle 
Achegando € 10
Agradecemento, postal e invitación
Agradecémoscho na web, descargas a postal co logo e invitámoste á festa de inauguración
> 37 Cofinanceiros
Acerca deste Proxecto
Recuperación da antigua escola de Vilar para uso comunitario
Amosar listado de necesidades
Material
|
Mínimo | Óptimo |
|---|---|---|
|
Material para habitabilidade mínima da escola
Chan do primeiro andar: 4200€
Teito: 800€
Chan do baixo: 600€
8 fiestras (madeira, cristais, ferrollos): 1400€
Cociña de leña:1500€
TOTAL con I.V.E.(21%): 10285€
|
€ 10.285 | |
|
Instalación fotovoltaica
Placas 2.050€
Regulador 800€
Batería 3.800€
Inversor 2.300 €
TOTAL 8.950€
|
€ 8.950 | |
|
Segunda fonte de calor
Estufa de leña: 500€
|
€ 500 |
Infraestrutura
|
Mínimo | Óptimo |
|---|---|---|
|
Instalación do baño e fontanería
Sanitarios, grifería e instalación: 500€
|
€ 500 |
Tarefa
|
Mínimo | Óptimo |
|---|---|---|
|
Comisión de goteo
Comisión de goteo para o mínimo
4% de 10785
|
€ 431 | |
|
Man de obra para a habitabilidade mínima da escola
Construcción e colocación de fiestras 1500€
Chan planta baixa 1000€
|
€ 2.500 | |
|
comisión goteo
Comisión de goteo para o óptimo
4% de 11950
|
€ 478 | |
| Total | € 11.216 | € 23.644 |
Imprescindíbel
Adicional
Información xeral
A intención é poder contar cun espazo para fins educativos e sociocomunitarios que preste servizo a estas aldeas. Pretendemos levar a cabo a rehabilitación da antiga escola de Vilar, respectando a súa estrutura orixinal e con materiais tradicionais do lugar.
Neste espazo queremos acoller, por unha parte e respondendo ás necesidades concretas da poboación infantil, un espazo educativo para o desenvolvemento nun entorno natural, fomentando e promovendo a autonomía e a participación crítica, nunha relación directa ca natureza, propia e a do entorno. E por outra banda, un espazo para o encontro e o desenvolvemento comunitario no que promover actividades culturais e formativas para as que xa somos adultas pero queremos seguir medrando.
Embarcámonos neste proxecto, en especial, ante a dificultade que supón acceder desde as nosas aldeas a servizos deste tipo, que poderían ser brindados polas institucións: estamos a unha hora promedio de calquera centro educativo, de saúde, biblioteca, etc. Por iso, e ante as nosas necesidades como veciñas, decidimos dar unha resposta a esta carencia.
Por outra banda, o feito de ser este un proxecto comunitario e autoxestionado motívanos a buscar fórmulas de recadación, como a presente, que non xeneren dependencia. Para sacar adiante este proxecto non nos basta cas mans e a motivación das que traballamos nisto, necesitamos a colaboración doutras que nos queiran axudar.
Características básicas
A escola de Vilar é un edificio de case un século, de valor patrimonial e histórico. Nestes momentos, e embora a xente que a habitou foi manténdoa en pé con pequenas melloras, é necesario realizar unha rehabilitación que permita o seu uso.
As reformas a realizar son as seguintes:
- substituír chans
- instalar materiais illantes
- rehabilitar e construír xanelas
- dotar de instalacións (eléctrica fotovoltaica, fontanería, calefacción de leña e baño)
Motivación e a quen vai dirixido o proxecto
O proxecto vai dirixido a aquelas persoas que comparten as nosas mesmas inquedanzas e problemáticas. Aquelas que coñecen a realidade do rural (en especial en Galicia), aquelas que comparten interese por unha educación baseada no respecto ás persoas e ós seus ritmos, confiando e aprendendo xuntas. Dirixímonos tamén ás que cren no empoderamento das comunidades, como elemento transformador da realidade social.
En fin, dirixímonos a todas as persoas que, por estas ou outras razóns, se senten atraidas a colaborar para que poidamos chegar a inaugurar despois de case un século esta escola.
Obxectivos da campaña de crowdfunding
O obxectivo é poder reunir o diñeiro necesario para levar a cabo a rehabilitación do edificio, que de outra maneira dificilmente poderíamos chegar a conseguir.
As economías das que habitamos estas aldeas son bastante precarias, entre outras razóns polo grado de illamento. Por outro lado, as características comunitarias e autoxestionadas do proxecto lévanos a buscar fórmulas de recadación, como a presente, que non xeneren dependencia.
O diñeiro pedímolo, en primeiro lugar, para a compra de materiais, e se acadásemos a cantidade óptima, para o pago de man de obra especializada e para levar a cabo tarefas máis complexas, como poden ser as instalacións.
O obxectivo inicial é conseguir 11.216€, cos que poderíamos comprar o material para crear un espazo habitable. Se conseguísemos chegar aos 23.644€, poderíamos ter un espazo confortable.
A man de obra porémola as veciñas que estamos vinculadas ó proxecto de forma voluntaria, ademais de todas aquelas que se acheguen a colaborar con nós.
O grupo de persoas que están detrás deste proxecto e conviven no val, parte dunha experiencia comunitaria cunha traxectoria de 40 años, que hoxe se materializa en realidades como a asociación de veciñas, a xestión de montes veciñais en man común ou os traballos comunais. Tamén organizamos encontros en relación coa agroecoloxía, a vida no mundo rural e a educación, ademais de actividades e obradoiros nesta liña.
Un proxecto de características similares ás da Escoliña de Vilar foi o da recuperación da antiga escola de Ernes para uso das veciñas. Supuxo unha aprendizaxe no que ten que ver ca organización grupal, posto que a actividade a desenvolvemos as propias veciñas. Un primeiro equipo con coñecementos de bioconstrución organizaba o traballo e outro equipo máis amplo poñía a forza de traballo. Hoxe en día este edificio está en marcha e ofrece un servizo de gran valor para a comunidade (internet, biblioteca, botiquín, actividades lúdicas e culturais...).
No ámbito concreto deste proxecto, hai grupos de traballo que desenvolven actividades acordadas por todas na asemblea xeral: dirección de obra, traballos de preparación e desescombro, procura de financiamento e difusión.
Compromiso social
Materiais compartidos
-
Dossier do proceso
Dossier do proceso percorrido ata a finalización da obraCC - Recoñecemento - NonComercial - PartillarIgual
Licenza Creative Commons (bens comúns creativos) con recoñecemento de autoría, sen que se poida facer uso comercial e a partillar en idénticas condicións