Canle 
Achegando € 5
Mantémoste ao día
Incorporarémoste á nosa base de datos como colaborador e avisarémoste de tódalas novidades deste proxecto (estrea, edición DVD, pases públicos, festivais...)
> 14 Cofinanceiros
TESOURO en NIGRÁN
11 | 03 | 2015
Ola a tod@s, avisamos un pouco in extremis (apenas confirmaron hora esta mañá) dun novo pase do documental. Será en NIGRÁN, este VENRES 13, ás 20h., dentro da I XORNADA NOSO AMBIENTE. Un foro que promete ser interesantísimo. Déixovos copia da convocatoria e anímovos a participar, presencialmente ou compartindo información.
(Adianto: o próximo mércores 18, faremos proxección en Santiago de Compostela, avisaremos con detalles polo camiño)
Data: Venres 13 de 18:00 a 23:00 horas no Auditorio (Salón de Usos Múltiples) de Nigrán.
Co-organizan: Cooperativa Galiza Imaxinaria, C.M.V.M.C.Camos, C.M.V.M.C. Couso, Proxecto Montenoso, Casa Colorida, Alg_a Lab.
Estas xornadas están orientadas a toda a veciñanza do Val Miñor e arredores da comarca que estén preocupadas polo medioambiente e a súa sustentabilidade. O fío conductor da xornada son as Comunidades de Montes, por seren as institucións que máis diretamente xestionan e coidan os nosos montes, mais sobre todo estas xornadas son para que a cidadanía en xeral, se achegue ao coñecemento, disfrute,
18:00h: Breve presentación do Proxecto MonteNoso e dinámica coletiva entre Comunidades de Montes.
A Xornada comeza coa presentación do Proxecto Montenoso onde as persoas asistentes, e principalmente as pertencentes ás comunidades de montes que se acheguen a este evento, poderán participar nunha dinámica colectiva e roda de recoñecemento do propio modelo de organización en man común, a través dunha dinamización que nos facilitará Fran Quiroga, unha das persoas que coordinan este proxecto que visibiliza e dinamiza os montes veciñais e as comunidades que os xestionan, traballando pola (re)apropiación destes montes por parte dxs veciñxs que os habitan.
19:30h: Intermedio/Café
20:00h: Proxeción Documental "O Tesouro de Corcoesto".
21:30H: Intermedio/Café
22:00h: Debate dos/as asistentes á xornada xunto con Cora Peña, autora de "O Tesouro de Corcoesto".
Acompañarán nos intermedios desta xornada o Trio Folk do Val Miñor formado por Jose casal (Flauta), Samuel Soto (Bouzouki) e Louis Vásquez Vargas (Flauta).
Nota: Ao longo desta xornada, o equipo de documentaciònde Galiza Imaxinaria, fará unha relatoría dos debates, reflexións e propostas sobre monte, medioambiente e sustentabilidade, que logo publicará en aberto na prensa e nas redes sociais, enviará por mail a quen deixe o contacto e tratará o máis posible de facer chegar o resultado este esforzo de intelixencia colectiva deste venres ás administracións públicas da Comunidade de Galiza.
Comentarios
Iniciar sesión para deixar un comentario