Canle 
Achegando € 10
Agradecemento, postal e invitación
Agradecémoscho na web, descargas a postal co logo e invitámoste á festa de inauguración
> 37 Cofinanceiros
Participamos no I Encontro de proxectos sustentabeis
04 | 04 | 2016
O sábado 2 de abril, as Ribeiregas, movémonos xunto con outras productoras do Mercado da Terra (Masanai, Bubela Artesan e Alteia Apicultura) a cidade de Pontevedra para participar no I Encontro de Proxectos Sustentabeis.
No enclave da Praza de Abastos e os seus arredores tivo lugar a xornada da mañá, onde ofrecimos os nosos produtos á cidadanía pontevedresa. Participamos nesta xornada os mercados Entreluscoefusco (Compostela), Foro do Barbanza ( Riveira) e Mercado da Terra (Lugo), con 4Ponlas coma anfitrión. Rematando cun concerto na rúa do grupo Contrabalde.
Nós, xunto con máis compañeiros de Negueira aproveitamos o contacto coa xente para repartir trípticos e facer difusión do proxecto da Escoliña de Vilar. A acollida e interés que mostraron as persoas de cara a nosa proposta cargounos as pilas para seguir co encontro e a nosa misión de difusión.
Logo dun xantar de consororidade, deuse paso o comezo da Asamblea, onde consumidoras (Agradicela de Pontevedra, Fonte da Uz de Ferrol, Eco-Lòxico de Pontecaldelas...), productoras e diversas asociacións (Lentura...) debatimos a situación que estamos a vivir nos nosos proxectos, tecendo redes e alianzas. Con forzas renovadas e o empuxe que nos da xuntarnos demos fin ó encontro.
Esta experiencia de visibilidade á cidadanía terá frecuencia estacional, así que estamos desexosas de que chegue o verán para voltarnos xuntar.
Non podiamos marchar para casa sen antes facer difusión entre as compas da Escola de Vilar, que nos mostraron o seu apoio e interés, ofrecéndose moitas a facer de altofalantes do noso proxecto. Ledicia de ver que isto non ten freno.
Saúde, bicos e ao choio!
Comentarios
Iniciar sesión para deixar un comentario