Canle
Acerca deste Proxecto
Amosar listado de necesidades
Infraestrutura
|
Mínimo | Óptimo |
|---|---|---|
|
Primeira quota de reforma de mínimos.
Temos que alcançar esta cifra para fazer frente à primeira quota do orçamento do arquiteto para a reforma da casa das Moas.
|
£ 45,614 | |
|
Segunda quota de reforma de mínimos.
Temos que alcançar esta cifra para fazer frente à segunda quota do orçamento do arquiteto para a reforma da casa das Moas.
|
£ 36,491 |
Tarefa
|
Mínimo | Óptimo |
|---|---|---|
|
Quantidade ideal.
Quantidade ótima para preencher os gastos da reforma.
|
£ 36,491 | |
| Total | £ 82,105 | £ 118,596 |
Información xeral
Sendo conscientes do crescimento do projeto e a necessidade de centralizar recursos e logística, Semente Compostela iniciou os trámites legais, técnicos e administrativos precisos para pôr em andamento a compra dumhas instalaçons novas e amplas que permitam:
– Concentrar todas as propostas da associaçom num único espaço que reúna as condiçons para o seu ótimo desenvolvimento.
– Acolher todas as crianças dos centros de Educaçom infantil (de 2 a 6 anos) e de Educaçom primária (6 a 12 anos), de modo a poderem juntar-se num único espaço.
– Alargar a capacidade para satisfazer a procura crescente demonstrada no trecho de infantil.
– Alargar a oferta de atividades dirigida a toda a cidadania de Compostela, especialmente atividades de formaçom e atividades sociais.
Estas instalaçons estám no lugar das Moas de Baixo número 19, no concelho de Santiago de Compostela
POR QUE MOAS?
1. Superfície
Precisamos umha elevada superfície construída para acolher os ciclos de ensino completos dos 2 aos 12 anos e mais para as possíveis atividades extraescolares e complementares da Associaçom que contribuam à conciliaçom familiar.
MOAS conta com um bem imóvel de quase 600m2 distribuídos em 3 andares, com possibilidade de ampliaçom de 50%.
2. Espaço exterior
Precisamos um espaço exterior o mais natural possível para uma educaçom inserida na natureza, em que as crianças percebam os valores ambientais mediante interaçom com o meio ambiente.
MOAS conta com uma finca florestal de 3500m2 que se corresponde com uma floresta autóctone matizada por algumas espécies ornamentais de interesse. Além disso está inserido num contexto rural.
3. Proximidade e mobilidade
É imprescindível que a localizaçom da nova escola permita poder aceder a ela desde Compostela a pé, bicicleta e/ou transporte colectivo.
MOAS fica na paróquia de Vidám, em Compostela, num ponto aonde se pode aceder caminhando 30 minutos desde o centro da cidade. Há opçons que combinam o transporte urbano com o caminho a pé e também se está a estudar a possibilidade de um transporte escolar próprio.
4. Viabilidade económica
Semente Compostela é um projeto social sem ánimo de lucro que promove uma educaçom em galego acessível para todas as famílias. É por isso que seja precisa umha massa crítica que com o seu apoio contribua. Por isso existem colaboradoras económicas ou organizamos atividades para arrecadar fundos.
O grande sucesso que tem a nossa escola na comarca obriga-nos a procurar um novo local para aumentar o número de vagas para infantil e primário.
Características básicas
QUE PRECISAMOS
Compramos a casa com um empréstimo que nos facilitou a cooperativa de crédito Coop57 pela quantidade de 285.000€
Este dinheiro vai destinado na sua totalidade à aquisição do imóvel, despesas derivadas como impostos e o projeto de reforma do estudo de arquitetura.
Nom cobre as despesas de reforma, polo que precisamos de 130.000€ para levá-la a cabo.
Motivación e a quen vai dirixido o proxecto
A Semente Compostela sustenta-se por meio de trabalho militante, por quotas de colaboradoras e colaboradores, que, mesmo sem ter necessidade dos serviços de umha escola, acreditam que temos que dar soluçom á necessidade de ter um ensino na nossa língua através de umha pedagogia transformadora que entende a escola como parte integrante da sociedade; umha pedagogia que pretende servir aos interesses populares garantindo um processo de ensino e aprendizagem democráticos e que fai possível que as crianças sejam cidadás livres e críticas.
Nas Escolas de Ensino Galego, desde o ano 2011, todas as atividades som desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma.
Semente Compostela está formada por um grupo de 7 trabalhadoras, comissons de trabalho das que forman parte a gente das 70 famílias usuarias da escola. Somos colaboradoras económicas, militantes e gente afim ao projeto que defende o idioma galego como parte indissolúvel da nossa cultura, da nossa história e do nosso futuro e o seu carácter internacional.
Compromiso social
Educativo
Os centros atuais da Semente Compostela som um espaço feminista, de pedagogia transformadora que entende a escola como parte integrante da sociedade; pretende servir aos interesses populares garantindo um processo de ensino com aprendizagem democrática e fazendo possível que as crianças sejam cidadás livres e críticas.